Бидний харааг муутгадаг 5 муу зуршил
Хүний нүдний харааны хөгжилд нас ахих тусам олон өөрчлөлтүүд гардаг. Нүд чилэх , ядрах , илүү гэрэлтэйд юм хийхийг эрмэлзэх , юм харах үед нүд бүрэлзэх , онийлгож харах зэрэг асуудлуудаа анзаарсны дараа л Хараагаа яах вэ? Хэрхэн сайжруулах вэ? гэж санаа зовж эхэлдэг.
Тэгвэл дараах муу зуршилуудаа халснаар та хараагаа хамгаалж чадах бөгөөд олон төрлийн харааны бэрхшээлүүдээс урьдчилан сэргийлэх боломжтой болох юм.
1. Нарны шил зүүхгүй байх
Нарны хэт ягаан туяанаас нүдийг хамгаалах хамгийн сайн арга бол хэт ягаан туяаны хамгаалалттай шил тогтмол зүүх юм. Нарны шилийг сонгохдоо 99% , 100% хамгаалалттай UVA болон UVB тэмдэглэгээг сайтар анхаараарай. Контакт линз зүүдэг бол мөн л нарны шилээ давхар зүүж нүдээ хамгаалж болно. Зөвхөн нарны шил зүүхээс гадна үүлэрхэг болон бусад өдрүүдэд хамгаалалтын шилийг мөн зүүж сурах нь бидний нүдийг тоос шороо, халуун хүйтэн агаар , салхи , уур , бороо , цас , бусад гадны биетээс хамгаалахад тусална.
2. Амралтгүй удаан хөдөлгөөнгүй суух
Бидний өдөр тутамд ялангуяа оффисын ажилтай хүмүүс болон хөдөлгөөнгүй удаан сууж ажиллах шаардлага их байдаг. Ингэж хөдөлгөөнгүй удаан суух үед давхар таны нүдний булчин чангарч ядралт үүсдэг. Ийм үед 20 х 20 х 20 -н дүрмийг мөрдөх нь энгийн бөгөөд хамгийн үр дүнтэй хараагаа хамгаалах аргын нэг юм.
Та 20 мин сууж ажилласан бол 20 сек-н хугацаанд 20(feet) буюу 6 метрээс цаана байгаа зүйлсийг харах ба ингэснээр таны нүдний чангарсан булчинд сайнаар нөлөөлж нүдний ядралтыг бууруулах үр дүнтэй.
Яг одоо нэг туршаад үзээрэй - Заавар бичлэг
3.Нүдний эмчид үзүүлэхгүй байх
Хараа алдалтаас сэргийлэхийн тулд одоо байгаа хараа тань ямар түвшинд байгааг зайлшгүй мэдэж байх хэрэгтэй ба нүдний мэргэжлийн эмчид хандсанаар удамшлын харааны эмгэг байгаа эсэх , нүдний эмчийн мэргэжлийн үзлэг , зөвлөгөөг авч бусад болзошгүй эрсдэлээс урьдчилан сэргийлэх боломжтой болох юм. Нүдний эмчийн хяналтад орох тохиромжтой үе нь 40-с дээш насныхан жилд 1 удаа заавал , хэрэв та хүүхэдтэй бол 1 нас хүрэхээс нь өмнө заавал мөн сургуульд орохоос нь өмнө орж байхыг зөвлөж байна.
4.Тамхи татах
Тамхи татах нь нүдний мэдрэлийг гэмтээж Катаракт буюу нүдний болор цайх өвчин , нүдний шар толбоны бүтцийн өөрчлөлтийг үүсгэдэг байна . Иймээс хэрэв та нүдний эрүүл мэндээ хамгаалахыг хүсч байвал нэн даруй тамхинаас татгалзахыг зөвлөж байна.
5. Шим тэжээлтэй хооллохгүй байх
Таны эрүүл мэнд таны юу идэхээс шууд хамаарч байдаг. Амин дэм, эрдэс бодисоор баялаг хоол хүнс хэрэглэснээр ялангуяа Омега , Лутейн , Цайр , Витамин С , Витамин А , Витамин Е , Астаксантин найрлагууд нь нүдэнд зайлшгүй хэрэгтэй ба насжилтаас шалтгаалж үүсэх катаракт болон хараа муудах зэргийг хүртэл удаашруулах боломжтой байдаг. Эдгээр найрлагууд нь ихэвчлэн Гүн ногоон навчит ургамал , Яргай загас , Туна загас , Самар , Өндөг , Хясаа , Улбар шар өнгийн хүнсний ногоо, жимс жимсгэнд өндөр агуулагддаг. Өдөр тутамдаа та дээрхи хүнсийг хэрэглэж чадахгүй байгаа бол нэмэлт витамины тусламжтай дээрхи хэрэгтэй шим тэжээлээ авах боломжтой.
Солонгосын DAEWON компанийн EYE HEALTH витамин нь найрлагандаа Лутейн , Астаксантин , Витамин А(Ретинол) агуулсан ба нүдний ядаргааг тайлж харанхуйд нүдний дасан зохицох чадварыг нэмэгдүүлэх мөн хөгшрөлтөөс үүдэх нүдний пигментийг хэвийн хэмжээнд байлгах зэрэг үр дүнтэй бэлдмэл юм. Дотороо 30 ширхэгээр савлагдсан уг нүдний витаминыг насанд хүрэгсэд өдөр бүр 1 ширхэгээр усаар даруулан ууж хэрэглэнэ.
